Mobile Teachers of New Normal Education

Isinulat ni Patrick Familara, 2021

Bundok ay aakyatin, mga ilog ay tatawirin

Madulas man o tumambling

Pilit pa ring mararating

Matulungan lamang ang mga batang alanganin

 

Enero dos mil bente nang balita ay pumutok

Sa di kilalang sakit, sa bansa ay nakapasok

Tila ba naging kumpante at naghintay na umusok

Umapoy at nasunog ang lipunang lugmok

 

Nagsara ang mga paaralan, simbahan at opisina

Sa pangambang lumaganap pa ang dalang pinsala

Trabaho ay nawala, kahirapan ay lumalala

Hanggang kailan pa si Juan ay mag-aalala

 

Oktubre nang muling magbukas ang taong panuruan

Kaakibat ng mga bagong hamon sa ating lipunan

Edukasyon ay nagpatuloy sa makabagong paraan

Mga Modyul ang kaharap, pinipilit maunawaan

 

Makalipas ang ilang buwan, unti-unti nang nararamdaman

Bilang ng mga mag-aaral ay tila ba nababawasan

Kahirapan at kalituhan sa pagsagot sa mga modyul ang dahilan

Hanggang kailan pa magtitiis ang mga batang Juan?

 

Ang ating paaralan ay hindi makapapayag

Gagawin ang lahat upang lahat ay makausad

Mga mobile teachers ay nagsimulang lumakad

Sinusuyod ang mga bata, huwag lang malaglag

Tunay ngang kahanga-hanga ang ating mga kaguruan

Handang gawin ang lahat matuloy lamang ang pag-aaral

Edukasyong pinadapa ng pandemya, ngayon ay lumalaban

Para sa magkaroon ang mga bata ng handang isip at lipunan.

 

(Photos by Kenneth Gaguis,)

 

Biyaheng SALIS

Aarangkada na ang biyaheng ito

Sasakyan mo lang at ika’y matututo

Makapagsimula ng bagong pangarap

Na hinihintay ng lahat para sa hinaharap

Pagsikat na kasing liwanag ng langit

Basta’t tulong-tulong lahat makakamit

Mula sa maliliit na mga butil 

Ngayo’y puno ng hindi pasisiil

Refrain:

Kahit lakbayin ang puno’t dulo

Si manong drayber di na hihinto

Chorus:

Biyaheng SALIS inyo ng sakyan 

Dito magkakaroon magandang kinabukasan

‘Wag nang hintaying ito’y umalis

Parahin na sapagkat ito’y mabilis

Kung dati rati walang pumapansin

Ngayo’y kumikinang na parang bitwin

Bawat pagsubok ating harapin 

At ito ang Biyaheng SALIS

Sa bawat oras ng pagikot ng mundo

Dumaragdag ang mga numero uno

Mga pasahero na kay talentado

Kahit sino man walang makatatalo

Pangarap na kasing taas ng langit

Liwanag na kasing ningning ng bitwin

Jeep namin na malayo na ang nararating

Ang himig namin ay inyong dinggin

Refrain and Chorus

Rap:

Sabi nga nila ang puno’t dulo

Lalakbayin saan man sa mundo

Sabayan mo lang ang ating kwento

Kahit lapatan mo pa ng ni anong tono

Kaya manong drayber bilisan mo na

Nang makarating sa paroroonan nila

At ‘wag na tayong pabagal-bagal

Tumindig na’t ipakita kakayahan ng bawat isa

Refrain and Chorus

>Isinulat ng mga piling mag-aaral ng St. Alphonsus Liguori Integrated School para sa pagdiriwang nito ng ika-25 na taon ng pagkakatatag noong 2015.

>>Special thanks to Ms.Marissa Cid Buñag

Pintuan ng Pangarap

Papalapit na ako sa pintuan ng pinapangarap

Ang aking hinahangad na pintuan ng kinabukasan

Hindi ko alam ang aking gagawin

Hindi alam ang dapat kong tatahakin

Nauubusan ng lakas

Nauubusan din ako ng tapang

Ngunit dumating ang panahon ng aking pagsapit

Sa lugar na nagbibigay pagkakataon

Upang itama ang nakakubling mali

Na nagpapabigat upang di maka-ahon

Dahil sa ýong pagtulong, natuto akong bumangon

Pinalapit mo ‘ko sa pintuan ng pinapangarap

Ang aking hinahangad na pintuan ng kinabukasan

Ginabayan mo ako sa aking tatahakin

Maraming salamat sa kabutihan mong angkin

May gurong mahuhusay bihasa sa pagtuturo

Kaalamang tatatak, tiyak na matututo

Gawaing seryoso, diyan ako saludo

Paaralang may serbisyo layuning magkaroon ng ayos

Nagbibigay ng nararapat na edukasyon 

Upang matuwid na landas ang itutungo

Sa mga napagdaanan ng mahabang panahon

Patuloy na umaahon salamat saýo

Pinalapit mo ‘ko sa pintuan ng pinapangarap

Ang aking hinahangad na pintuan ng kinabukasan

Ginabayan mo ako sa aking tatahakin

Maraming salamat sa kabutihan mong angkin

Dahil saýo natutupad ko ang aking pangarap

Sa loob ko akoý panatag

(Kahirapaý mawawala)

Maraming salamat, Ikaý dakila

Patuloy na umaahon,

Dahil sa yong pagtulong

Natuto akong bumangon

Maraming salamat po 

Patuloy na umaahon,

Dahil sa yong pagtulong

Natuto akong bumangon

Maraming salamat po

>Isinulat ng piling mag-aaral mula sa Grade 9 – Molave batch 2015 ng St. Alphonsus Liguori Integrated School para sa pagdiriwang ng ika-25 na taon ng pagkakatatag.

Bituin ng SALIS

Mga bituin na mahirap abutin

Ano nga ba ang dapat gawin

Mga araw na kami’y binagyo

Araw araw ring nalilito

Ngunit ito ay kayang kaya

Sa tulong mo ito’y nakamit na

Na na na nanananana na

Na na na nanananana

[Chorus]

Salamat sa iyo

Problema’y lumayo

Nararamdaman na palapit ng palapit

Sa bituin na nais

Makamit

Tumulong sa mga nangangailangan

Ipadama ang pagmamahalan

Ipakitang may integridad

Kabutihan ang tanging hangad

Ngunit ito ay kayang kaya

Sa tulong mo ito’y nakamit na

Na na na nanananana na

Na na na nanananana

[Repeat Chorus]

Ika’y babalik balikan

Hindi malilimutan

Ika’y aking naging tahanan

Kaya hinding hindi pakakawalan

Ika’y nagsilbing hagdan

Patungo sa mga bituin

Na nais abutin

Sa wakas ay naabot na rin

[Repeat Chorus 2x] 

>>Ito ay isinulat ng mga mag-aaral ng St. Alphonsus Liguori Integrated School para sa pagdiriwang ng ika-25 na taon nagpagkakatatag noong 2015.

>>>Kung ikaw ay isa sa mga nagsulat nito, maaari mo akong i-message for proper acknowledgment. Sorry di ko na kasi maalala.

KWENTONG ECQ: TIWALA LANG

Lagpas isang buwan na rin nang ipinatupad ang ECQ sa buong Luzon.

Pero na saan na nga ba tayo ngayon? 

Ako, eto. Malayo. Malayo sa pamilya na sana ay kasama ko na ngayon.

Nanghihinayang, lalo na sa mga travel plans na sa ngayon ay hanggang panagip na lang muna.

Kinakabahan, natatakot. Dahil ayaw ko na isang araw, mabalitaan ko na lang na may positibo na sa isa sa mga kaibigan o mga kapamilya ko.

Nalulunkot. Dahil, namimiss ko na ang lolo at lola ko. Kahit nasa ibang barangay lang sila, tila ba ay milya-milya ang layo nila dahil sa dami ng checkpoint na humahadlang sa aming pagkikita.

Nananalangin na sana isang araw ay manumbalik na ang dating mayroon sa atin. Ang mga panahon na hindi tayo napipilitang magkulong sa ating mga tahanan. Ang mga panahon na maalaya tayong pumunta sa kung saan man natin nais magtungo. Ang panahon na pwede nating mahagkan ang mga mahal natin nang hindi nangangamba na baka mahawa tayo o mahawa natin sila ng virus na ito. 

Namimiss ko na nga kumain ng chicken joy, uminom ng milktea, o kumain ng fishballs dyan sa kanto. Pero sa ngayon, wala eh, tiis –tiis lang muna. Konting sakripisyo para sa nakararami.

Alam mo, dito realize na kailangan nating pahalagahan ang mga bagay na mayoon tayo, pati na rin ang mga taong nariyan sa atin. Dahil, hindi natin hawak ang kapalaran, maari silang mawala ng hindi mo namamalayan, nang hindi ka handa. At oras na mawala na ang mga ito sa atin, doon pa lang tayo magsisi. 

Ikaw, oo ikaw. Kumusta ka? Okay ka pa ba? 

Sabi nila, normal lang sa panahon ang maging malungkot, ang kabado, ang natatakot. Pero lagi mong tandaan na mayroon tayong Diyos na hindi tayo pababayaan. Ang mga ito ay mga pagsubok lamang na kayang kaya nating lagpasan. Maniwala ka lang. Tiwala lang.

TIPS PARA MAGTAGAL ANG PRINTER

 

Tips para magtagal ang iyong printer at di masira.

1st - Gawing by batch ang pagprint, like 50 pages at a time. Parang kamay mo lang yan, ‘pagnasobrahan ng kasusulat magkakapaltos. Yung printer naman, mag-overheat ang printer head.

2nd- Maglaan ng oras para makapagpahinga ang printer head. Minsan parang relasyon lang yan, ‘pag masyado kang clingy or magkasama, madalas nagkakasawaan agad. Kaya kailangan mo rin minsan dumistansya at magbigay ng space. Tulad sa printer, ‘pag tuloy-tuloy ang paggamit mo, malaki ang tyansa na iwan ka rin nya sa ere.

3^rd – Huwag hayaang nakatengga ng matagal sa tabi nang hindi ginagamit. Parang padlock lang yan sa gate na pag hindi nabubuksan palagi kinakalawang. Pwede ring gripo nap ag di ginagamit kinakalawang sa loob. Kaya kung sakaling hindi magamit ang printer, magprint ng kahit isang page lang kada linggo para di mastuck-up J

Happy Teacher's Day!

I want to thank all my teachers from Kindergarten to Graduate Studies for all the hardships that they've given to us.

I'm not who am I today without you guys. Thank you for believing in me. Thank you for the wisdom that you have taught us. Thank you for your guidance, and for showing your unconditional support for every milestone that we achieve.

This may be late, but I'm sorry. I'm sorry for all the headaches that you've suffered from me.
Now I understand how hard this job is. How hard to deal with so many students and still managed to smile and live life to the fullest.

I'm forever grateful for all of you.
Happy Teacher's Day!

Gaano Kadali Magpasensya?

Gaano ba kadali ang magpasensya? Kasing dali ba ito ng pagbiblang ng isa, dalawa, tatlo? Kasing dali ba ito ng paglalakad? Kasing dali ba ito ng paghinga?

May mga bagay sa ating buhay na sadyang hindi natin binibigyan ng halaga. May mga bagay na tila ba kompante na tayo dahil ang akala natin ay lagi itong nariyan. Kung kaya dumarating tayo sa punto na tayo ay nakalilimot.

Hinga ng malalim. Sabay buga. Hinga. Hawakan hanggang makakaya.

Hindi ba ang pasensya natin ay parang hihinga tayo tapos iho-hold natin pero kung hindi na natin kaya ay wala tayong choice kung hindi ibubuga na natin.

Hindi ba ang pasensya natin ay parang lobo na pwede nating palobohin pero kung humigit na nito ang hangganan ay tiyak na ito ay puputok.

Hindi madali ang magpasensya. Lalo na, hindi madali ang umunawa. Umunawa ng mga taong hindi marunong makisama. Umunawa ng mga taong sarili lang nila ang kanilang iniisip. Tila ba na sa kanila lang umiikot ang mundong ating ginagalawan.

Mahirap, pero kakayanin. Mahirap, dahil nasasaktan na ang ating mga damdamin. Lalo na kung ang pasensya mo ay lagging sinusubok ng mga taong nakapaligid sa atin.

Isa, Dalawa, Tatlo, Apat…

Sige magbilang tayo ng paulit-ulit. Paulit-ulitin natin hanggang sa tao ay matauhan sa ating mga kalokohan. O kung ‘di naman kaya ay pukpukin na lang ang kahit anong bagay na nasa ating harapan nang sa gayon ay makaramdam naman tayo ng kahihiyan.

Pasenya. Isang salitang madaling sambitin pero mahirap gawin.

Gaano kadali magpasensya? SOBRANG DALI.

Ikaw by Yeng Constantino (Asi Version)

Sa pagsilak it bawat adlaw ay ikaw
Kag ako ingpapakaromrom, indi ko mapunggan pagpitik it puso
Ikaw, kag akong ing pananamgo
Tuna masadoran nako sa masunor nak adlaw, maila kag puso

Ikaw, kag palangga nak ginghuhuyat
Puso ay kayuda it bang rugay pero ngasing ikaw ay hali
Ikaw, kag palangga nak ging ta-o
Sa ako it gino-o, bugna ka sa’kong kinabuhi
Kasadyaha’t kag palangga nako’y ikaw.

Gatungon sa bawat oras nak na sampot
Kagpaglibor it mundo, ay naghihidom it kusa akong puso
Pagka’t nasabat kag ak tanong
Kung narumruman nako kung may gapalangga sa ako it klaro

Ikaw, kag palangga nak ginghuhuyat
Puso ay kayuda it bang rugay pero ngasing ikaw ay hali
Ikaw, kag palangga nak ging ta-o
Sa ako it gino-o, bugna ka sa’kong kinabuhi
Kasadyaha’t kag palangga nako’y ikaw.

Ag uya pa ako, naila it tuyar
Ag nasaisip, nak kanonot ka sa pagguyang

Ikaw, kag palangga nak ginghuhuyat
Puso ay kayuda it bang rugay pero ngasing ikaw ay hali
Ikaw, kag palangga nak ging ta-o
Sa ako it gino-o, bugna ka sa’kong kinabuhi
Kasadyaha’t kag palangga nako’y ikaw.

kag palangga nak ging ta-o
Sa ako it gino-o, bugna ka sa’kong kinabuhi
Kasadyaha’t kag palangga nako’y

Ikaw, kag higugma nak ging ta-o
Sa ako it gino-o, bugna ka sa’kong kinabuhi
Kasadyaha’t kag langga nako’y ikaw.

kag higugma nak ging ta-o
Sa ako it gino-o, bugna ka sa’kong kinabuhi
Kasadyaha’t kag langga nako’y ikaw.

Diwa

Isinulat ni  Patrick M. Familara

Sabayang Bigkas
Pitong libo at anim na raan apat na pu’t lima
Mga naggagandahang mga kapuluang mula sa timog-silangan
Mga kapuluang dugo, pighati at luha ang dinanas
Mula sa kamay ng mga mapaniil na mga dayuhan.

Dula:
Makisig: Inay! Inay! Inay!
O aking inay, ikaw ay nasaang tunay?

Malakas: Makisig, tama na ang iyong pagtangis, ang ating ina ay di na muling magbabalik. Hindi na.
Dahil siya ay pinatay na ng mga dayong pilit na umaangkin ng ating mga lupain.

Sabayang Bigkas:
Mga mamamaya sa mga nayon ay pilit pinalamon
Ng mga pagkaing, halo naman ay lason
Upang makuha lamang ang inaasam na yaman,
Mula sa mga taong turing nila ay unggoy.

Dula:
Malakas: Makisig, aking kapatid. Huwag kang mag-alala dahil tayo ay gaganti. Upang ating  makamit, ang kalayaang sa atin ay ipinagkait.
Makisig: Kuya, tama ang iyong mga tinuran. Hindi na tayo dapat pang magpaalipin. Tama na ang  mahabang panahong tayo ay nakapiit. Nakapiit sa nakarurumarim na kabanata ng ating  kasaysayan.
Malakas: Ito na ang tamang panahon.

Sabayang bigkas:
Mula sa Hilaga pababa ng Timog
Ang bayang api na tunay ngang iniirog.
Nagsama-sama sa iisang layong
Makamit ang layang yumaon.

Awit: (Tao – Sampaguita)
Tulad ng isang ibon
Tao ay lumilipad
Pangarap ang tanging nais
Na marating at matupad.


Dario: Makisig! Malakas! Dalina tayo ay maghahanda na!
Dalhin nyo iyang mga balisong at iba pang mga sandata!
Tayo ay magtutungo na sa bayan ng Cavite el Viejo upang kitain natin ang ating mga makakasa sa napipintong pag-aalsa.

Awit: (Magkaisa – Virna Lisa) Pantomime:
Scene 1: Naghahanda sa pakikipaglaban
Scene 2: Paglusob sa base ng mga kalaban
Scene 3: Mapapatay si Makisig ng sundalong kastila
Scene 4: Makikita ni Malakas ang kanyang Kapatid sa lapag. Maghihinagpis.
Scene 5: Itutuloy malakas ang paglaban.
Scene 6. Mananalo sa labanan.

Sabayang Bigkas:
Ito na. Ito na ang simula ng bagong kinabukasan.
Ang bagong buhay na ilalaan sa ating mga kabataan
Malayo sa kahirapan, malayo sa kagutuman
Hindi na sana muling danasin pa.

 | wakas |

PATAWAD

Patawad. Sadyang napakahirap sambitin.
Sadyang napakabigat hingin.
Lalo na sa taong ating nais iparating,
Ang salitang Patawad. Sana ay tanggapin.

Patawad, Dahil ako ay mahina.
Dahil ako ay sadyang nadala,
Dahil ako ay nagsamantala,
Sa pangyayaring mahirap nang kalimutan pa.

Patawad. Dahil hindi ko alam kung paano,
Hindi ko alam kung bakit.
Pero isa lang ang aking sigurado
Ako ay lubhang nakasakit.

Patawad, sa nasirang samahan,
Sa mga tiwalang tila ba’y natabunan na.
Sa pagtinging tila ba ay napalitan na,
Ng isang masidhing pagngangalit ng kalooban.

Patawad. Dahil ako ay nagkamali.
Nakagawa ng isang bagay na di na maitatama pa.
Mga bagay na mahirap talagang kalimutan na.
Patawad, sa aking nagawa.

Sana dumating ang panahon napinakahihintay
Ang makamit ang kapatawarang tunay
Mula sa taong nagawan ng pagkakasala
Sana nga ay makamit na.

Just Saying 01: House Speaker Arroyo

Isa sa mga natutunan ko noong ako ay nasa kolehiyo ay ang pag galaw ng ekonomiya at politika sa bansa. Bago pa man mahalal si PNoy na bilang pangulo ay saludo na talaga ako kay #PGMA sa mga economic reforms na ginawa nya.
There was a financial crisis on 2008 pero hindi ito masyadong naramdaman ng ating bansa. Ang paglago ng  ekonomiya during the time of #PNoy ay resulta ng mga economic policies and reforms na ipininatubad nya habang siya ay pangulo. Dumami ang mga dayuhang namumuhunan sa ating bansa sa pagkalipas ng 9 years ng kanyang adminiatrasyon, malayo sa lagay ng ating bansa noong 1997-2001 kung saan ang ating bansa ay umiinda sa naganap na Asian Financial crisis... Sa panahon ni #PDu30, ang mga nararanasan ng ating ekonomiya ay maiuugnay natin sa pamumuno ng mga nakaraang administrasyon. Ang pagbabago sa mga polisiyang ito ay hindi agad nararanasan, kung hindi ang mga serbisyo at benipisyong ipinangako ng mga pagbabagong ito ay mararanasan natin sa paglipas ng panahon... Walang instant solution sa mga problema... Kaya kung gusto mo ng pagbabago, don't be a part of the problem, be one of the solutions for it.

There are no perfect leaders. Marcos might be great, but he committed many crimes.  C. Aquino, brought back democracy but she brought crisis. Ramos was great, but Asian Financial Crisis hit so hard to our country. Erap, was just Erap. LOL. Arroyo fixed the economy but was accused of so many crimes and was imprisoned.  N. Aquino fought for West Philippine Sea, eradicate the use of Wangwang but failed in many aspects of good governance and leadership.  And now, Duterte with his economic reforms, war against illegal drugs, build^3 programs, eradication of Endo we still look for his wrong doings.  Our leaders are not perfect.  We are not perfect.  They do damn things just like the rest of us.  Is it be okay to support them for all the good things that they are doing right now instead of complaining for the things that we want that they are failing to give us?

The button line is PGMA is perfect for the position of Lower House Speaker.

Just saying.

Rediscover Romblon: A Hidden Paradise

Summer is coming people! Marami na sa atin ang naghahanda at nagpa-plano kung saan maaaring magtungo ngayong tag-init. Kabi-kabila na naman ang mga fiesta sa iba’t ibang bahagi ng bansa na dinarayo, hindi lamang nating Pilipino, kundi pati na rin ang mga dayuhan.

Alam n’yo ba na may isang lalalawigan sa gitna ng archipelago na may mga tinatagong ganda?

Ito ang Romblon, isang arkipelagong lalawigan na makikita sa MIMAROPA Region o Region 4B. Ito ay may tatlong pangunahing kapuluan, ang Tablas, Romblon, at Sibuyan.

Tablas ang pinaka malaki sa mga pulo at dito rin makikita ang karamihan sa natatagong ganda ng probinsya. Ilan sa mga ito ay ang Binucot beach sa Ferrol,ang Tinagong Dagat, Lapos-lapos at Paksi Cove sa Calatrava, Marine Fish Sanctuary sa Looc, Mablaran Falls sa San Andres, Mainit Falls sa Odiongan, Blue Hole sa San Agustin at marami pang iba.

Hindi nalalayo sa Tablas, makikita ang bayan ng San Jose sa Carabao Island, kilala rin bilang Hambil ang mapuputing buhangin sa dalampasigan na maaaring  itapat sa kapitbahay nitong Boracay. Labintatlong minuto lamang ang layo nito mula sa Boracay at isa at kalahating oras naman mula Santa Fe, sa Tablas lulan ng mga motorized boat.

Sa isla naman ng Romblon, makikita ang naggagandahang mga dalampasigan tulad ng Bonbon, Cobrador at Tiamban at ang Fort San Andres na dating ginagamit ng mga kastilaupang protektahan ang isla sa mga pirata.

Sa bandang Hilaga ng isla ng Romblon ay matatagpuan ang isla ng Banton. Dito makikita ang Macat-ang, Tabunan and Tambak Beach at ang Banton's Guyangan Cave System, isa sa mahahalagang Cultural Treasure, kung saan makikita ang Banton Cloth.

Sa isla naman ng Sibuyan, makikita ang San Fernando. Dito makikita ang Cresta del Gallo, isa sa pinaka sikat at maganda na diving spot sa lalawigan.

May dalawang paraan para makapunta sa Romblon, maaaring sumakay sa Barko at Eroplano.

May dalawang shipping lines na bumabyahe papuntang dito, ang Montenegro Lines at ang 2Go Travel na nagmumula sa Batangas.

Bumabyahe naman papuntang Tablas ang Cebu Pacific apat ba beses sa isang linggo.

Ano pang hinihintay nyo? Tara na at ating tuklasin ang natatagong ganda ng lalawigan na tinaguriang “Marble Capital of the Philippines”!