Higanti

Isinulat ni B.P. Familara (2013)

Isang malakas na hangin ang nagsimulang umihip

Kalangitay nagdilim na pawang nagngangalit

Mga nanggugulat na kulog ang umalingawngaw sa paligid

Na nagbabadya ng isang paparating na panganib

At nagsimulang bumuhos ang mabigat na ulan

Mula sa tila ba’y galit na galit na kalangitan

Tubig sa kalupaa’y mabilis na tumaas

Na pawang nagnanais lunurin ang sanlibutan

Nagsisigawang mga tao ang maririnig sa paligid

Na nagmamakaawang mailayo sa panganib

Mala-karagadang paligid ang simulang mamutawi

Habang ang karamiha’y abala sa pagligtas ng sarili

Paghupa ng ulan ay isang masalimuot na tanawin

Na tila ba’y sinakluban ng langit at lupa ang buong paligid

Nagtumbang mga puno ang nakaharang sa kalsada

Makapal na putik naman ang naiwan sa mga tahanan

Hindi natin masasabi kung kalian at paano

Ang dapat lang natin gawin ay maghanda at manigurado

Na ating buhay ay mailayo sa piligro

Lalo na sa oras ng mapaghiganting dilubyo